Бүгүн, Кыргыз Республикасынын Энергетика министрлигинде Кыргыз Республикасынын Министрлер Кабинетинин төрагасы Акылбек Жапаровдун катышуусу менен КР экономика тармактарын жана калкын алдыдагы күз-кыш мезгилге даярдоо боюнча жыйын болуп өттү.
Жыйындын жүрүшүндө Улуттук энергохолдингдин башкармалыгынын төрагасы Талайбек Байгазиев тармактарды өнүктүрүү, жабдууларды реконструкциялоо жана модернизациялоо, көмөкчордондордун кубаттуулугун жогорулатуу, электр энергетикалык объектилердин капиталдык курулушу боюнча жүргүзүлүп жаткан оңдоо иштери, ошондой эле энергетика тармагында ишке ашырылып жаткан долбоорлор.
Ошондой эле, баяндаманын жүрүшүндө холдинг жетекчиси энергетикалык компаниялардын 2022-2023-жылдардын күз-кыш мезгилине даярдыгына кеңири токтолду.
Белгилей кетсек, бүгүнкү күндө кыргыз-тажик чек арасындагы жаңжалдан жабыркаган Баткен жана Лейлек райондорунун чек ара аймактарындагы калктуу конуштарды электр менен камсыздоо иштери аяктады. Электр менен камсыздоону калыбына келтирүүгө жумшалган каражаттардын жалпы суммасы 15 миллион сомдон ашык түздү.
