Кыргыз Республикасынын Энергетика министринин милдетин аткаруучу Таалайбек Ибраев Улуттук энергетикалык холдингдин башкармалыгынын төрагасы Талайбек Байгазиевди жамаатка тааныштырды.

Таалайбек Ибраев өз сөзүндө Улуттук энергохолдингдин жана тармактын акционердик коомдорунун жетекчилигине өлкөнүн энергетикалык коопсуздугун чыңдоо, алдыдагы күз-кыш мезгилине даярдык көрүү, ошондой эле башталган реформаларды аяктоо боюнча маанилүү милдеттер коюлганын белгиледи.

Эске салсак, Талайбек Байгазиев буга чейин “Электр станциялары” ААКнын башкы директору кызматын аркалап, ага чейин Улуттук энергохолдингди жетектеп келген.