Кыргыз Республикасынын энергетика министри Доскул Бекмурзаевдиндемилгеси менен Баткен шаарында энергетиктердин тажрыйба алмашуу жана  энергетикалык компаниялардын ишмердүүлүгүн жакшыртуу эки күндүк семинары башталды.

Улуттук энергохолдингдин Башкармалыгын Төрагасы Талайбек Байгазиев иш-чаранын ачылыш аземинде бүгүнкү семинар адистердин иш тажрыйбасын жогорулатып, ынтымакты бекемдеп, алдыга коюлган тапшырмаларда аткарууга жакшы бир өбөлгө түзөт деп терең ишенээрин билдирди.

“Кесиптик атаандаштык, мелдештер, алдыңкы багыттагы жаңы ыкмаларды өздөштүрүү  - учур талабы. Техникалык адистердин арасындагы мыкты деп аныкталган кызматкерлер үлгү болушу зарыл. Алардын квалификациясынын мындан ары да өсүшүнө шарт түзүлүүдө, - деп белгиледи.  

Аталган иш-чарада “Түндүкэлектро” ААКнын командасы, 0,4 кВ чыңалуудагы аба чубалгысына СИП маркадагы зымдарын монтаждоо ыкмаларын көрсөтөт.

Күндүн экинчи жарымында,  “Жалалабатэлектро” ААКнын кызматкерлери “Электр энергиясын пайдалануу эрежелерин бузуу фактысын аныктоо жөнүндөгү” көрсөтмө иш чарасын көрсөтүшөт.

Ал эми, “Чыгышэлектр” ААКнын кызматкерлери, 10кВ аба чубалгысындпагы мамычадан электр тогунунун таасиринен жабырлануучуну бошотуу жана медициналык жардамга чейинки алгачкы жардамды көрсөтүшөт.