“2022-жылды тоолордун экотутумун коргоо жана климаттык туруктуулук жылы деп жарыялоо жөнүндө” Кыргыз Республикасынын Президентинин жарлыгын аткаруунун алкагында, “Жашыл мурас” улуттук өнөктүгүн жүзөгө ашыруу максатында Энергетика министрлики, Улуттук энергохолдинг жана анын туунду коомдору аймактарды бир катар жашылдандыруу жана тазалоо иштерин жасоону пландап жатат. Мындай тазалоо иштери мамлекеттин бардык облустарында аткарылмакчы.

Энергетикалык компаниялар ишембиликтин алкагында аларга бөлүнүп берилген аймактарга көчөттөрдү отургузат жана аймактарды жашылдандырат. Мындан тышкары айрым энергетикалык компаниялар экология темасына арналган ачык сабактарды, сүрөт тартуу конкурстарын өткөрүүнү, айлана-чөйрөнү коргоо жана сактоо боюнча маалыматтык өнөктүктү демилгелеп жатат.

Белгилей кетсек, ишембиликтерди өткөрүү энергетикалык компаниялардын салтына айланган, жыл сайын Улуттук энергохолдингдин жана анын туунду коомдорунун эмгек жамааты аймактарды жакшыртуу, жашылдандыруу жана тазалоо, бак-дарактарды актоо иштерин жасашат.