Улуттук энергохолдингдин кызматкерлери тарабынан Чүй облусунун Маевка айылындагы “Агрокурулуш” ЖАКтын аймагында жайгашкан мыйзамсыз майгинг-ферма табылды.

Майнинг-ферманы кароодон өткөргөндө криптовалюта өндүрүүчү жабдуулар орнотулган контейнер табылды.  2019-жылда “Агрокурулуш” ЖАК, майнингди кошкондо 283 миң кВт/саат электр энергиясын керектеген.

“Түндүкэлектр” ААКка майнинг-фермага электр энергиясын берүүнү токтотуу жана майнинг-ферманын электр тармагына мыйзамсыз кошулуусуна жол берген Аламүдүн районунун райондук электр тармактарынын кызматкерлерине катаал тартиптик чараларды көрүү тапшырылды.

Азыркы учурда Улуттук энергохолдинг тарабынан майнинг-фермалардын ишмердүүлүгүн жөнгө салуу механизмдерин түзүү боюнча чаралар көрүлүүдө.